देश रा ताजा हालात मारी नजर में निष्पक्ष रूप उ आपरे वास्ते-लक्ष्मण चौधरी

।।। जय तेजाजी महाराज ।।

आपणो अपनो चैनल- निष्पक्ष पत्रिकारिता रे वास्ते जगजाहिर

तेजल ज्ञान पाली। इण देश मे अबार – अबार घट रही घटना में सबसु बड़ो धक्कों देश ने लाग्यो वो हो महान अर्थशासत्री भाईडो सुशांत सिंह राजपूत री आत्महत्या, उणरी आत्महत्या रो गहरो असर भारत रे घरेलू सकल उत्पात यानी जीडीपी रे माते पड्यो जो जीडीपी -23 प्रतिशत माते आय रुकी।

✍️सरकार में बैठ्या धोली दाढ़ी ओर मोटे पेट वाला, मन री बातो करण आला, तड़ीपार ओर जुमलेबाजी रा मास्टर नेता मिळूर सरकारी रुपया ने जम ने लूट रिया है, बैंक, रेल, किला सगळी सरकारी सम्पतिया, रे साथे साथे सरकारी मानवता भी ताबडोड मूंगफली रे भाव बेच रिया है, उधोग-धंधा ठप हो रिया है, नोकरिया तो अमे सपना में मिलणी बी बंद होगी ओर मारो ओ मानणो है कि आवण वाला हालात भरे जादा गम्भीर ओर खराब होवण वाला है।

✍️लेकिन हाल ही में देश री सबसु बड़ी समस्या रो समाधान होगो, रिया रे हाथ में हथकड़ियां लागगी, बाई कंगना ने 10-12 अंगरक्षक मिलगया, अमे तो मारे ओर संगळा पत्रकारा रे ओर आप देशवासियों रे छाती माते बस एक ई भार (बोझ) मोटो है कि विन बेट ओर बॉल वाले छोरे री लुगाई बाई अनुष्का ओर पटौदी रा सेहनशाह री बेगंमजान खान करीना रे टाईम माते आराम सु बिना दर्द रे “जापो” ( डिलेवरी ) हो जाये तो माने ओर आप सब ने आराम मिल जासी क्यों कि इन दोनो रे राजी खुशी जापो होवणो देश ओर देश री सकल घरेलू उत्पात (जीडीपी) री ग्रोथ रे वास्ते बहुत जरूरी है।

✍️ बाकी देश री छोटी मोटी समस्या बेरोजगारी, अर्थव्यथा, कोरोना ओर सीमाओ री लड़ाईयां ने तो में – मारे स्टूडियो री कुर्सी माते बैठा बैठा इ निपटा देवा विणा री आप देणं नी करणी,

✍️हाल रे ताजा हालात में देश री बर्फ वाली ऊँची ऊँची चोटियों रे माते वे नैनी नैनी आंख्या वाला चीनी फोजी जरूर तंग करे पर मने ओर अपनी हुगली सरकार ने इन बात रो तो भरोसो पुरो है कि अपना सैनिक भाई विन छोटी आंख्या वाला री अक्ल तो ठीकाने लगा ही देला क्यों कि विनोरे हामी छाती ठोक मारे किसान पुत्र, यानी धोली धोती ओर पचरंगी साफे वाला रा शेर पुत्र ही खड़ा है।

✍️हाल में देश री सारी जिमेदारी ओर बोझ माया री नगरी मुम्बई रे माते पडयोडो है,, बाई कंगना ओर शिव रा सैनिक आमी-सामी तलवारा खिंच रण मैदान में रण री भेरी बाजून रो इंतजार कर रिया है,, उड़ता उड़ता समाचार सूत्रों सु ए भी मिल्या के बाई कंगना रे कीला में सुराख भी जल्दी ही होग्यो।

✍️एक ओर बात माने सूत्रों उ पता चाली है कि माने मीडिया वाले ने आजकल देश रा लोग घणा पसन्द नी कर रिया है पर में आपने बतावनी चाऊ के समय रे साथे चालनो मा सगळा रिपोर्टर ओर चेनल री भी जरूरता है क्यों कि जिनरी खाओ बाजरी विणरी में बजाओ हाजरी, पर मारी निष्पक्षता माते आप सवाल मत खड़ो करो क्यों कि आप जाणो ई हो कि में किता निष्पक्ष हो।

✍️आप सबने मारे चेनल री तरफ सु ओई केणो है कि कोरोनो इन देश ओर देशवाशियो रो कोई नि बिगाड़ सके, आप तो बस देशभक्ति री धुन में रंगियोडा देशभक्त बन भक्तो रे सरदार री सरकार सगळ्या राज्यो में बनवाता रो, में आपने विश्वास दिलाऊ हु की वो दिन दूर कोणी जद दो टेम री 3 रोटी और दिन री एक चाय में आपा ने संतुष्टि कर मन री बाता मन उ करणी पड़ेला।

आपरो अपणो साथी इन पोस्ट ने लिखनवालो आपरो भाई
लक्ष्मण चौधरी
जिलाध्यक्ष जाट महासभा पाली
8982409094