किसान पुत्रो री फरमाइश माते आज खेती-किसानी, उपज रे ऊपर ओर सरकारी विधेयकों र पोल-खोल लेखन-लक्ष्मण चौधरी

।।। जय तेजाजी महाराज ।।।

✍️भारत री संसद में चाल रहयो अबार सबसु ताजा ताजा संसद सत्र रे माय भारत री भगवा धारी सरकार 18 विद्येयक ने पास कर मंजूरी दी है उनमे आज आप ओर में बस किसानों उ जुडियोडा 3 विधेयको रे माते किसान पुत्रो री इच्छा अनुसार बात लिखण री कोशिस करा।

✍️उन्न तीनो बिल रा नाम में खुद भी ओर आप स्वयं भी घणा ई पढिया, रटीया, ओर समझूँन्न री कोसिस भी करी, लेकिन मारि अंग्रजी भाषा मे कमजोरी कहदो या पछे सरकार री लिखुँण री शैली बडी टेढ़ी कहदो, माने न तो पढ़न रे बाद उन बिलो रा नाम समझ आया और ना ही रटन सु याद रहया, फिर सोचियो के अंग्रेजी में कॉपी करलू पर आ कॉपी पेस्ट आली बात मनी जमी कोणी आखिर सोचियो के बिना नाम ई तीनो बिलो रे ऊपर अपना विचार रख लेवा किसान पुत्र समझण में तेज है समझ जाई।

✍️अपने भारत आली केंद्र सरकार इन विधेयको ने मीडया रे माध्यम सु ओर अपने सोसल मीडिया री टीम री तेजी सु, ओर अपनी मीठी मीठी चुपड़ी बाता से ऐय्या साबित करण में लाग री है मानो इन बिलो रे आणे सु पहली भारत रा किसान बेचारा भूखा ही मरता हा, ओर खाणो तो अब ऐ बिल ई किसाना ने देला।

✍️सरकार किसानों रे फसल री msp री गारंटी लेवण सु मना कर लियो के किसान जाणे ओर कंपनिया जाणे, सही मायना में किसाना री हालात इन बिलो रे बणियोडॉ प्राबधाना सु आउण वाले टेम में बड़ी खराब होवण वाली है, किसानों ने अपनी फसल री पूरी कीमत कोणी मिलेला, मंडियों ने खत्म कर निजी कंपनियों रे हाथ सु किसान ने आर्थिक रूप सु मारण री पुरी पूरी तैयारी करली है।

✍️पर सरकार इन किसान विधेयक री मीठी मीठी बात कर, झूठी प्रशंशा कर मीडिया रे मार्फ़त सु एईया सपना किसान ने दिखा री है मानो की किसान री फसल, बाजरे, ज्वार, तिल, चन्ना ओर मूंग मोठ री यानी हर फ़सल री जड़ माये एक चिप लगाय देवोला जिनसू ज्यादा उ ज्यादा रुपया देउँन वालो खरीददार खेत मे खड़ी फसल ने आसानी उ ट्रैक करतो करतो सीधो किसान रे कने उणरै खेत मे ही आ जावेला ओर उन्न खेत मे ही किसान ने रपिया री गडिया गिनावेला।

✍️सरकार किसान ने फायदा तो इन बिलो रा ऐय्या बतावे की मानो इन चीप सु ही खेत री जमीन केडी है इन बात री जानकरी किसान ने होवेला, बारिश रो पता भी टेम माते चिप उ चालेला, मन री बात री रिकॉर्डिंग भी उनमे सुणन ने मिळेला ओर बड़ी बात तो आ के इन बिलो में जो प्रावधान सरकार कीदा है उन्नसु इन चीप में एड़ी एड़ी आवजा निकलेला की जंगली जानवर (रोजड़ा ने सूअर) तो खेता में उबा ई नी रेला पर हा गऊ माता रे वास्ते विशेष छूट रो प्रावधान है।

✍️कुल मिलाय रे 100 बात री एक ही बात है कि सरकार देश री सम्पतियों रो जियो निजिकरण किदो है उन्ही तर्ज माते ई तीनो बिल उद्योगपतियों ने फायदों पहुँचावन रो फंडों है, किसानों ने बर्बाद करुण रो तरीको बस है, जमीन रा मालिक ने ही मजदूर बणावण रो लेखों जोखो ओ बिल है,, किसान रा बेटा अपने ही खेत मे 200 रपिया री मजदूरी कंपनी रे मार्फ़त करे ओर खेत री धणी कम्पनिया बने आ सरकार री मंशा है।

✍️समय रेतो किसान रे बेटो ने अंधभक्ति उ बाहर निकल अपने हक री आवाज उठावनी पड़ेला,, सवाल व जवाब करणा सिखणो पड़ेला, अगर टाइम माते नी चेत्या तो आवण वालो वो टाइम दूर कोणी जद 500 ओर 1000 रुपया री खातीर रास्ते चलता लोगा रा गला कटेला ओर अंधभक्ति में डुबोड़ो किसान पुत्र हाथ मे कटोरे ले दौड़ेला।

✍️पोस्ट लंबी ज्यादा होवण सु घणी बाता लिखणी बाकी रहगी, फेर कदी अगली बार लबी छोड़ी बाता करो जद तक अपने कृषि मंत्री जी रा बताओयोडो किसानों वाले उपाय उ किसानो री उपज बढाओ,, घणा सारा रुपिया कमाओ, बाजरी सु मूंग ओर मोठ बणाओ, ओर हा इन बात रो विशेष ख्याल राखजो अमे टाबरो ने चॉकलेट ओर टाबर री मावड़ी ने जन्मदिन आलो केक बाजरी उ बणियोड़ौ ही ख़िलाणो है,

पोस्ट पढली वो तो थोड़ा सा अमे
सुणो आपणे आले कृषिमंत्रीजी ने👇

लक्ष्मण चौधरी – जिलाध्यक्ष जाट महासभा पाली
8982409094