ਡੇਰਾ ਸਿਰਸਾ ਦੇ ਵਕੀਲ ਅਤੇ ਬਾਦਲਾਂ ਦੇ ਨਜ਼ਦੀਕੀ ਵਕੀਲ ਵਿਨੋਦ ਘਈ ਨੂੰ ਐਡਵੋਕੇਟ ਜਨਰਲ ਲਾਉਣਾ ਨਿੰਦਣਯੋਗ
ਭਗਵੰਤ ਮਾਨ ਅਤੇ ਉਹਨਾਂ ਰਾਹ ਮਾਰਗ ਦਰਸ਼ਕ ਕੇਜਰੀਵਾਲ ਅਤੇ ਰਾਘਵ ਚੱਢਾ ਸਿੱਖਾਂ ਦੇ ਜ਼ਖ਼ਮਾਂ ‘ਤੇ ਨਮਕ ਛਿੜਕ ਰਹੇ ਹਨ : ਰਜਿੰਦਰ ਸਿੰਘ ਬਡਹੇੜੀ

ਤੇਜਲ ਗਿਆਨ ਚੰਡੀਗੜ੍ਹ। ਉੱਘੇ ਸਿੱਖ ਕਿਸਾਨ ਆਗੂ ਰਾਜਿੰਦਰ ਸਿੰਘ ਬਡਹੇੜੀ ਨੇ ਮੁੱਖ ਮੰਤਰੀ ਭਗਵੰਤ ਨਾਨ ਵੱਲੋਂ ਐਡਵੋਕੇਟ ਵਿਨੋਦ ਘਈ ਨੂੰ ਪੰਜਾਬ ਦਾ ਐਡਵੋਕੇਟ ਜਨਰਲ ਨਿਯੁਕਤ ਕਰਨ ਦੀ ਸਖ਼ਤ ਸ਼ਬਦਾਂ ਵਿੱਚ ਨਿਖੇਧੀ ਕਰਦਿਆਂ ਆਖਿਆ ਕਿ ਭਗਵੰਤ ਮਾਨ ਅੱਖਾਂ ਬੰਦ ਕਰਕੇ ਅਰਵਿੰਦ ਕੇਜਰੀਵਾਲ ਅਤੇ ਰਾਘਵ ਚੱਢਾ ਦੇ ਤਿਆਰ ਕਰਵਾਏ ਹੁਕਮਾਂ ‘ਤੇ ਦਸਤਖਤ ਕਰ ਰਹੇ ਹਨ ਜੋ ਅੱਜ ਇਹ ਨਿਯੁਕਤੀ ਕੀਤੀ ਹੈ ਇਸ ਨਾਲ਼ ਸਿੱਖਾਂ ਦੇ ਜਜਬਾਤਾਂ ਨਾਲ ਖੇਡਿਆ ਹੈ ਅਤੇ ਜ਼ਖ਼ਮਾਂ ‘ਤੇ ਨਮਕ ਛਿੜਕਿਆ ਹੈ । ਬਡਹੇੜੀ ਨੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਆਢੇ ਹੱਥੀਂ ਲੈਂਦਿਆਂ ਆਖਿਆ ਕਿ ਮੁੱਖ ਮੰਤਰੀ ਦੀ ਕੁਰਸੀ ਚਾਰ ਦਿਨ ਲਈ ਹੈ ਪੰਜਾਬ ਦੇ ਲੋਕ ਅਤੇ ਸਿੱਖ ਹਮੇਸ਼ਾ ਇੱਥੇ ਹੀ ਰਹਿਣੇ ਹਨ ਜੋ ਹਸ਼ਰ ਬਾਦਲਾਂ ਦਾ ਹੋਇਆ ਹੈ ਡੇਰੇ ਵਾਲੇ ਨਾਲ਼ ਯਾਰੀ ਲਾਉਣ ਕਰਕੇ ਅਤੇ ਕੈਪਟਨ ਅਮਰਿੰਦਰ ਸਿੰਘ ਦਾ ਹੋਇਆ ਹੈ ਬਾਦਲਾਂ ਖ਼ਿਲਾਫ਼ ਕਾਰਵਾਈ ਨਾ ਕਰਨ ਕਰਕੇ ਇਹੋ ਹਾਲ ਸ੍ਰੀ ਮਾਨ ਭਗਵੰਤ ਮਾਨ ਤੁਹਾਡਾ ਵੀ ਹੋਵੇਗਾ ਹਾਲ਼ੇ ਵੀ ਬਸੰਤੀ ਪੱਗ ਦੀ ਲਾਜ ਬਚਾ ਲਓ ਅਤੇ ਇਨਕਲਾਬੀ ਬਣੋ । ਵਿਨੋਦ ਘਈ ਦੀ ਨਿਯੁਕਤੀ ਰੱਦ ਕਰੋ ਜੋ ਸਿਰਸੇ ਡੇਰੇ ਵਾਲੇ ਦਾ ਵਕੀਲ ਹੈ ਅਤੇ ਬਾਦਲਾਂ ਦਾ ਪੁਰਾਣਾ ਸਾਥੀ ਹੈ ਇਸ ਦੇ ਭਰਾ ਚਰਨ ਦਾਸ ਘਈ ਨੇ ਬਾਦਲ ਦੀ ਮਿਹਰ ਨਾਲ਼ 1985 ਵਿੱਚ ਮੋਗਾ ਤੋਂ ਅਕਾਲੀ ਦਲ ਦੀ ਟਿਕਟ ਲੈ ਕੇ ਚੋਣ ਲੜੀ ਸੀ ਅਤੇ ਹਾਰਿਆ ਸੀ ।ਹੁਣ ਕਿਸੇ ਜਜ਼ਬਾਤੀ ਸਿੱਖ ਵਕੀਲ ਨੂੰ ਐਡਵੋਕੇਟ ਜਨਰਲ ਨਿਯੁਕਤ ਕਰੋ ।